Kryeministri Rama ka paralajmëruar ta dërgojë në gjyq për shpifje ish-paraardhësin e tij, Berisha. Ka qenë një status i këtij të fundit, ku ka shkruar se Rama blen në Nju Jork këmisha me çmim 25 mijë euro.
Shefi i qeverisë, i cili është nën ethet e përgatitjes së një ligji anti-shpifje, ka reaguar duke e quajtur një “qenef digjital”, e më pas, duke i kujtuar ballafaqimin në gjyq, i ka sqaruar, më shumë opinionit sesa Berishës, se ku i qep këmishat.
“S’jam marrë kurrë me këtë qenef digjital, po në çdo vend demokratik(+në ligjin shqiptar) çdo përhapës i shpifjes dënohet njësoj si shpifësi! Kjo shpifje do shkojë në gjyq. ‘Hugo Bossi’ im quhet Arjan, si në Nju Jork çmimi si në Tiranë. Lekët e gjyqit do i bëjmë përparëse kopsht”, shkruan Rama. /tesheshi.com/
