Për herë të parë, kryeministri Rama ka folur publikisht mbi një fakt kompromentues në dukje për moralin e tij politik, kandidimin për kren e Bashkisë së Matit të ish-gardistit të 21 Janarit, Agron Malaj.
Gjatë një konferencë për media për të folur mbi situatën politike, Rama u detyruar të sqaronte para opinionit pikërisht këtë zgjedhje të tij, duke e mos e mohuar aspak që vërtet Malaj ka qenë në grupin e zjarrit, por që sipas tij është tërësisht i pastër, pasi ai personalisht nuk ka bërë asnjë shkelje ligji.
“Unë nuk flas shumë shpesh për 21 janarin. Kam folur se lindi nevoja për të bërë një krahasim. Agron Malaj ka qenë pjesë e gardës së Republikës dhe e atij grupi, por është e provuar që nuk ka marrë pjesë në asnjë moment në asnjë shkelje të ligjit, dhe juve që merreni me informacionin keni të gjithë të drejtën, por edhe detyrën, që përpara se t’i vendosni njerëzit në një kornizë shabllon, të investigoni për këtë. Ne i kemi bërë investigimet tona. Është e vërtetë që është larguar si shumë të tjerë, por nuk është larguar për të konfirmuar fajësinë morale, se atë penale e jep gjykata, por për t’i dhënë mundësi transparencës për gjithë procesin”, tha Rama.
Ndërsa duke iu rikthyer qasjes ndaj krizës, ai e përjashtoi veten si përgjegjës të saj
“Kjo situatë nuk ka dy palë fajtore, ka vetëm një palë fajtor. Ai që dhunon dhe ai që dhunohet janë dy gjëra atë ndryshme. Teoria që kryeministri duhet ta zgjidhë këtë punë nuk funksionon. Nuk kemi fuqi pasi përtej Kushtetutës dhe ligjit dhe nuk mund të negociojmë sistemin që kemi zgjedhur. Marrëveshja e 2017 u krye brenda kornizës së Kushtetutës. Këtu po preket shtetit dhe shteti nuk është i palës tjetër, shteti është i të gjithëve. Unë mendoj se kemi detyrë të jemi të hapur dhe bashkëpunues me palën tjetër, që në këtë rast ka humbur rrugën po s’kemi asnjë të drejtë të negociojmë kushtetutën. Kam dëgjuar që thonë se s’ka ndonjë gjë të ikësh. Është vështrimi më dritë shkurtër në botë. Po ta mendoje se po të ikja unë këtu do ndryshonte politika do ishte kryevepër. Por është e kundërta. Do të hapej rruga e një precedenti të tmerrshëm. Do mësohej rruga dhe nuk do mbaronte kurrë”, u shpreh Rama.
Sa për dialogim me rivalin demokrat, Rama u shpreh i hapur duke thënë:
Dialog pa kushte, domethënë të flasim për çfarë gjërash mund të bëjmë së bashku e jo vetëm për shqetësimin e njërës palë. T’i marrim problematikat me radhë e të flasim. Në këto kushte s’ka kushte për të bërë negociata për 30 qershorin, se kemi ne në dorë. Ata thonë se s’duam karrige, aq me mirë, hajde të punojmë bashkë. Që të shkojmë në zgjedhjet e 2021 me qartësi dhe siguri më shumë për ata, se ne jemi të sigurt sidoqoftë”, tha i pari i qeverisë. /tesheshi.com/
