Në mandatin e parë, ajo qe befasia e parë e Ramës. Briseda Shehajt, një e re pa pa profil publik dhe shtetareje, iu besuan Tatimet. Prej saj, në nisjen e një ere të re lufte ndaj informalitetit, duke nisur me kuponin tatimor në lokale, do mbahej mend fraza “ku është problem?”.
Më pas ajo do nderohet nga Rama me një “Bletë të artë” për punën e saj, deri sa erdhi dorëheqja, kurrë e thënë pse, e më vonë dhe ndryshimi i kahjes politike të Shehajt.
Ajo kaloi te LSI e për këtë arsye, vitet e fundit është bërë një akuzatore përmanente e qeverisë, një lloj Kryemadhi nr 2. Dhe kjo do e ëojë tashmë në gjyq, pas Rama ka ngritur një padi për shpifje ndaj saj.
Padia e firmosur nga kreu i qeverisë kundër asaj është depozituar në Gjykatën Civile të kryeqytetit pak ditë më pare, raporton A2 CNN.
Raportohet se në padi kryeministri Rama pretendon të jetë dëmtuar nga deklarime të bërë nga Shehaj në 10 mars 2022 në një video-postim në profilin e saj në Instagram pas lajmërimit qeveritar për ngritjen e bordit të transparencës për çmimin e naftës.
Duke i cilësuar si shpifëse dhe të pabaza disa nga deklarimet e Shehajt, Rama kërkon të dëmshpërblehet me 1 milion lekë prej saj. /tesheshi.com/
