KryeministriEdi Rama e ka komentuar vendimin e Parlamentit të Holandës për rikthimin e vizave për Shqipërinë, duke garantuar se kjo nuk do të ndodhë.
“Duhet të konstatohet kthimi mbrapa në zbatimin e të gjithë kritereve teknike të përcaktuara për lëvizjen e lirë. Qeveria holandeze nuk ka ndërmarrë ende hapin që në bazë të vendimit të marrë nga Parlamenti në kushtet e një fushate elektorale, ku këto tema t’i drejtohen Komisionit Europian.
Pastaj, KE në rast se ka një adresim nga qeveria holandeze, merr dhe shqyrton kriteret. Janë kritere teknike, jo politike.
Shqiptarët përbëjnë 0.2% të personave me precendent penal apo me çështje penale në Mbretërinë e Holandës. Nga 240 mijë njerëz që gjenden në burgjet e atij vendi, shqiptarët nuk janë as 500”, theksoi Rama.
Rama gjithashtu tha se për rikthimin e vizave duhet të ketë rritje e emigracionit, rritje e azilkërkuesve, që sipas tij nuk është e vërtetë, pasi ka ulje. /tesheshi.com/
