Gjatë një interviste për gazetaren Rudina Xhunga, në “Dritare”-n e saj në Vizion Plus, kryeministri shqiptar Edi Rama, është detyruar të thotë se ai nuk është homseksual. “Nuk jam homseksual, mund të kisha qenë por nuk jam”, tha Rama duke komentuar akuzat që i janë bërë ndër vite sa është në politikë.
Ky moment erdhi pas nga gazetarja Xhunga u pyet lidhur me përfoljen e të vëllait, Olsi Rama, si i lidhur me një kompani të huaj që pritet të marrë me konçension mbledhjen e TVSH-së, por Rama tha se tashmë nuk i bëjnë përshtypje akuza të tilla.
“Të gjitha akuzat që mund të formulojë mendja njerëzore i kam dëgjuar për veten”, tha Rama duke shtuar se në fillim tronditej prej tyre. Ai tha se ishte i gatshëm ta përsëriste dhe njëherë atë shprehjen e thënë vite më parë kur ishte kryebashkiak, se “nuk kishte bir nëne e bir k….që mund të vinte dhe t’i kërkonte atij para…”, pra dhënie ryshfeti. /tesheshi.com/
