“Bunkeri i qeverisë”, ai që u kall nga zjarri i protestuesve opozitarë në fund të dhjetorit të kaluar, do shkojë drejt destinit të vet të parcaktuar: objekt i atraksionit turistik.
Artan Shkreli, këshilltar i Ramës për monumentet, ka bërë me dije se këto ditë pritet të rinisë puna për ta shndërruar bunkerin dhe strehimin nëntokësor antiatomik në një muze të vizitueshëm për turistët.
“Çështjet e memories duhen trajtuar me kujdes dhe seriozitet. Nuk janë çështje gallate e sulmesh politike por duhen shndërruar në platforma për të pyetur pse e pësuam më keq komunizmin. Dhe shpesh herë përgjigjja ndodhet këtu tek ne e nën këmbët tona”, tha Shkreli. /tesheshi.com/
