Ndërsa Meta shfaqi veten duke xhongluar në Lalz, Rama ka shfaqur shndërrimin e Piramidës, atë se si do jetë ajo pas një rikonstruksioni të thellë, i cili do prekë dhe anën e jashtme të saj.
“…dhe me projektin e Rilindjes së Piramidës, e cila pas 30 vjetësh agoni, do të kthehet në një tjetër kryevepër të zhvillimit urban, që do të përhapë kudo nëpër botë lajmin e radhës për Tiranën e për Shqipërinë moderne që duam, duke u bërë pikëtakimi i ri i më të rinjve me të ardhmen përmes ‘Qendrës Rinore për Teknologjitë Krijuese’, si edhe një tjetër zonë tërheqëse për të gjitha moshat, ju uroj një të dielë të bukur”, shkruan Rama.
Prej vitesh, Piramida në zemër të Tiranës, e ndërtuar në fundin e viteve ’80 si Muze i Enver Hoxhës, është pa funksion dhe në një gjendje degraduese. /tesheshi.com/
https://www.facebook.com/edirama.al/videos/579642402774890/?t=14
