Kryeministri Rama ftoi rivalin e tij të drejtpërdrejt Basha që të heqë dorë nga mënyra e takimit me turma militantësh ngado që shkon, pasi në gjykimin e tij po riskon në shëndetin e njerëzve.
“I bëj thirrje publikisht Lulzim Bashës dhe opozitës që të frenohen, se janë shumë dëmtuese ç’edukuese të pamoralshme në këtë fushë beteje ku ne jemi një dhe populli është i gjithi i interesuar, sepse virusi nuk njeh të majtë dhe të djathtë asnjë nga ata dallime që janë të jetës tonë të përditshme.
Nga ana tjetër të mos ushqehet me iluzionin se duke mbledhur ata tufa me dy gishta të marrë ndonjë votë më shumë. Eshtë komplet absurde dhe dëm i madh.
Rregullat duhet të respektohen nga çdokush”, tha Rama gjatë një takimi në Fier.
Siç po shihet prej ditësh, Basha po aplikon formën tradicionale të Berishës, ku militantët dalin dhe e presin më dy gishtat lart. /tesheshi.com/
