Në një intervistë dhënë për Financial Times, kryeministri Rama ka sjellë sërish një qasje krahasuese mes Kosovë-Serbisë e Francë-Gjermanisë, në funksion të optimizmit se siç dy vendet europiane vendosën paqe mes tyre pas Luftës së Dytë Botërore, kjo mund të ndodh dhe mes dy vendeve në Ballkan.
E ka pasuruar këtë krahasim dhe me Arabinë Saudite dhe Izraelin, dy vende të cilat i ka ndarë keq palestina por dhe një kontekst fetar historik e tani po shkojnë drejt normalizimit të marrëdhënieve mes tyre.
“Nuk është e lehtë të ndryshosh rrjedhën e historisë, kjo kërkon lidership”, thotë Rama, duke theksuar:
Por, nëse Franca dhe Gjermania mund ta bëjnë atë [pas Luftës së Dytë Botërore], nëse Arabia Saudite dhe Izraeli mund ta bëjnë atë, atëherë ne e dimë se kjo mund të ndodhë”.
Por nuk dihet nëse Rama në këtë rast zgjedh me vetëdije të spekullojë apo spekullon nga dëshira për të parë paqe mes Kosovës dhe Serbisë. Kjo sepse krahasimi nuk qëndron për asnjë nga dy rastet.
Franca dhe Gjermania nuk kanë patur konflikt për pretendime territoriale dhe mes tyre, në kohën e armiqësisë, nuk ka masakra me elementë genocidalë, siç Serbia ndaj Kosovës.
Afërsisht kështu dhe Arabia Saudite me Izraelin, me armiqësi të një tjetër natyre.
Serbia, sado të ulet në tryezë, e ka kredo nacionaliste në nivel sëmundjeje të pashërueshme Kosovën e jo vetëm, pasi të tillë ka dhe Bosnjën, më pak Malin e Zi e madje dhe Kroacinë. Në thelb, kjo i ka bërë të pabesë dhe të pamoral. Paqe pa moral nuk ka! /tesheshi.com/
