Nga SHBA, kryeministri Rama deklaroi se administrate e re amerikane e mbështet 100 për qind nismën e Open Balkan.
Ai pohoi se kanë biseduar rreth çështjes dhe u shpreh i bindur se do të kenë gjëra të reja sa i takon Ballkanit të Hapur në muajt në vijim.
Ndër të tjera, ai komentoi dhe “non grata”-an amerikane për Berishën.
“Shpallja ‘non grata’ e Sali Berishës është 100 për qind meritë e Sali Berishës, nuk ka diskutim. SHBA kanë konfirmuar me vendimin e tyre meritën e tij për të gjitha ato që ata e kanë shpallur ‘non grata’ dhe të thuash që SHBA mund të influencohen nga faktorë të jashtëm, për vendime të kësaj mënyre, do të thotë të akuzosh SHBA se janë një shtet pa dinjitet, seriozitet, integritet dhe se kanë një qeveri që korruptohet për qëllime së të tretëve.
Këto janë vendime të cilat merren me procese të mirëpërcaktuara dhe nuk kanë lidhje me faktorë të jashtëm. Nëse SHBA do të influencoheshin kaq kollaj atëhere ato do të ishin prej vitesh peng i diktaturave. Për të ardhur keq janë ata që besojnë këto marrëzira. Kjo është një çështje që i përket të shkuarës”, tha Rama. /tesheshi.com/
