Ndërsa PD përgatitet të nisë protestën e saj të paralajmëruar në bulevardin “Dëshmorët e Kombit”, kreu i mazhorancës ka folur nga Selenica e Vlorës duke e denoncuar çadrën e opozitës si penguese të qëllimtë reformës në drejtësi. Rama ka tentuar të miklojë politikisht përkrahësit e opozitës, duke iu thënë se ata janë harruar nga lidershipi i tyre, e që për këtë arsye rruga e vetme është që t’i bashkohen qeverisjes së Rilindjes më 18 qershor.
“Janë braktisur nga PD. Me krahë hapur janë të mirëseardhur të na bashkohen më 18 qershor. Demokratët duhet të na bashkohen me ne më 18 qershor sepse e ardhmja e fëmijëve të tyre është shumë me e lumtur se ardhmja e Saliut. Kush e do flamurin kuq e zi duhet të votojë më 18 qershor…
….Demokratët të lënë Saliun kukuth të mbyllur në bunker e të bashkohen me të gjithë socialistët për Shqipërinë që duam me shtet e punë e mirëqënie”, tha Rama.
Ndërsa në Tiranë kanë nisur thirrjet e militantëve demokratë “Rama ik”. /tesheshi.com/
