Kryeministri Rama tha se ai kurrë nuk është marrë me çështjen e territoreve mes Kosovës dhe Serbisë, pra ndryshimin e mundshëm të kufinjve.
“Diskutimi që është bërë për ndarjen e Kosovës është përgatitur në një kuzhinë mizerabël për të ushqyer dhe për helmuar opinionin publik në emër të një atdhetarizmi të shtirur. Thjesht e vetëm shfrytëzon territore shpirtërore që janë të gatshëm ta marrin këtë ushqim”, tha Rama gjatë një interviste nga Moska, aty ku u takua me Lavrov si kryesues i OSBE-së në lidhje me konfliktin në Ukrainë.
Nga ana tjetër, ai kritikoi Prishtinën zyrtare në lidhje me ndëprerjen e dialogut me Beogradin.
“Nuk ka gabim më të madh nga ana jonë si shqiptarë që t’i ikim dialogun, t’i frikemi dialogut e të vendosim parakushte për dialogun. Këtë e bëjnë humbësit, jo fituesit.
Shqiptarët e kanë fituar luftën dhe tani duhet të fitojnë paqen dhe duhet të zgjidhin këtë problem e të jenë aktivë në zgjidhjen e këtij problemi. Në këtë kontekst dhe pozicionet ekstreme e idiote të etiketimit si tradhtar të atyre që shtyjnë përpara janë shprehje e frikës.
Patjetër është e frikshme lufta por paqja dhe përpjekja për paqe është shumë e frikshme për atë që është mbijetesa në pushtet”, deklaroi Rama, duke patur përballë gazetarët Sokol Balla dhe Baton Haxhiu. /tesheshi.com/
