Kryeministri Edi Rama deklaroi për televizionin izraelit i24 se Shqipëria është një histori modeste, por reale, e bashkëjetesës dhe tolerancës.
Rama tha se myslimanët shqiptarë shpëtuan shumë familje hebreje gjatë Luftës së Dytë Botërore, dhe ky fakt ka shërbyer që Shqipëria dhe Izraeli të kenë marrëdhënie të mira.
“Jam i nderuar për vizitën në Izrael. Ne kemi një histori për t’u bërë krenarë për shpëtimin e hebrenjve. Dhe asnjë hebre nuk iu dorëzua gjermanëve. Ky rol u luajt nga familjet myslimane. Në këto 25 vite kemi rilidhur marrëdhëniet, që ishin thyer në mënyrë të natyrshme nga diktatura.”
“Kemi diskutuar për luftën kundër terrorizmit, dhe ndamë mendimin se Shqipëria mund të luajë një rol të rëndësishëm në këtë luftë, jo se jemi pjesë e një rajoni ku është një shoqëri multi-fetare. Por kemi ende punë për të bërë për të parandaluar aktet,” nënvizoi Rama. /tesheshi.com/
