Në kulmin e një rritjeje me infektime të paimagjinueshme deri dje, e gjitha në kushtet e hapjes, kryeministri Rama përcolli një tjetër apel për respektimin e rregulave post-karantinë. Ai veçoi zbatimin e protokolleve nga biznesi, e gjithashtu paralajmëroi se do ndalohen apo ndëshkohen nëse ndodhin, çdo lloj tubimi, edhe politik.
Rama tha se nuk donte ta mendonte mbylljen e sërishme, por që nëse vijonte kështu, ajo mund të vinte.
Por një tjetër mbyllje, sipas tij, do ishte vërtet e papërballueshme për vendin, njerëzit dhe ekonominë.
Një mbyllje tjetër do të ishte dërrmuese për Shqipërinë, për çdo familje dhe burimet e energjisë së rimëkëmbjes. Nëse do të vijojmë kështu, fatkeqësisht do të na duhet të rimbyllemi dhe të përballojmë me shumëfish sekëlldinë që provuam kur u mbyllëm dhe pasojat e plagëve që morëm nga mbyllja e parë. As në mend nuk dua ta çoj këtë, pasi kam bindjen se ende e kemi vetë në dorë. Numrat janë shqetësues, por në kontroll, testimet janë rritur”, theksoi nën sekëlldi i pari i qeverisë. /tesheshi.com/
Mesazhi i plotë:
https://www.facebook.com/edirama.al/videos/261939418415671/?t=1
