Edi Rama ka qenë i prerë por edhe retorik, pra deklamativ para fushatës në komunikimin javor me publikun.
Tashmë e ka shpallur se po hyhet në zgjedhje pa PD-në, por për Ramën nuk është dramë, pasi “dy mendje të frikësuara nga humbja dhe reforma në drejtësi” e futën opozitën në bunker plasmasi.
Rama, pasi shtoi se “fija e shpresës që PD të kthehet në rrugën e arsyes është një shpresë e padukshme”, deklaroi se “dy njerëz po sakrifikojnë Partinë Demokratike për interesat personale”.
“Destabiliteti, qëndron nga dy mendjet e çartura që i friksohen drejtësisë. Dy njerëz po sakrifikojnë një parti historike për interest e tyre personale. Lideri i vjetër dhe hakmarrës, që i friksohet drejtrësisë dhe kryetari i ri, kopjon të vjetrin por lider nuk bëhet. Në mungesë të PD-së më 18 qershor ne do të respektojmë këdo që do të presë në Shqipërinë e tij rilindjen,” tha Rama i cili bëri të ditur se ka plane të vendeve anti- BE dhe anti-NATO që duan ta destabilizojnë Shqipërinë.
“Është për të ardhur keq që dëshira, përpjekja dhe durimi im nuk mjaftoi se frikën nga drejtësia dhe humbja për këto zgjedhje s’ja heqim dot dy njerëzve që po sakrifikojnë partinë. As qeverinë s’ja japim dot, as s zgjedhjet nuk ua shtyjmë dot se kështu ua thotë mendja atyre që të mos destabilizojnë Shqipërinë. Nesër do nisemi drejt 18 qershorit pa PD, që ta ketë shumë të qartë që Shqipërinë peng nuk e merr dot kurrë, destabilizimi që ëndërron për turpin e saj nuk e realizon dot në asnjë mënyrë”,deklamoi kryeministri dhe shefi i mazhorancës duke bërë të ditur se nesër nis zyrtarisht hapja e fushatës zgjedhore. /tesheshi.com/
