Kësaj fushate elektorale, kryeministri Rama i ka kthyer si argument dhe Gërdecin, tragjedinë për të cilën u akuzua se u tregua i butë politikisht, gjatë viteve të opozitës. Ai ishte në Vorë, ku bëri një lidhje mes emrit të Fatmir Mediut, ish-ministër i Mbrojtjes në atë kohë e sot kandidat për deputet në zonë, dhe tragjedisë me 26 të vdekur
“Të të hedhin në erë dhe të vijnë pastaj të thonë më jepni votën, kjo është me ta nxi dy herë. Si mund t’i jepni votë Fatmir Mediut? E bëri Vorën film Hollivudi me gangsterë dhe me hedhje në erë dhe ju t’i jepni votën për ekonomi të fortë.
Ka një ndjenjë të mbetur tek këta njerëz? Një ndjenjë solidariteti për ata që u shkrumbuan nga Fatmiri i parë. Për Fatmir Mediun do vdisni? Larg qoftë por nuk ishte larg se ka pak vite që ka ndodhur”, tha Rama. Ky ishte ndër të rrallat raste ku Gërdeci përfshihet nga Rama në ligjërimin politik anti-opozitar. /tesheshi.com/
