Kryeministri Rama ka realizuar takimin-traditë të fundvitit me ambasadorët e akredituar në Tiranë, ku kam përcjellë mesazhet politike të rastit, disa prej tyre me efekt të brendshëm. Një nga ato ishte vlerësimi i zgjedhjeve të 25 qershorit si më të mirat, duke dhënë të kuptuar se kjo ndodhi për shkak të marrëveshjes me rivalin e drejtpëdrejtë Basha, dhe se një të tillë marrëveshje do e kish, dashur sërish.
“Unë besoj se ajo çka ne arritën për të realizuar zgjedhjet e shkuara, të cilat u duken si një katastrofë e paralajmëruar dhe u kthyen në mënyrë të befasishme në një eksperiencë mirëkuptimi dhe komunikimi është një thesar që unë dhe ne në shumicë duam vetëm që ta shtojmë, ta pasurojmë dhe ta vlerësojmë me të tjera akte për të mbajtur hapur rrugën e një dialogu që sipas meje duhet ngritur në një nivel tjetër”, tha Rama.
Gjithashtu, shefi i ekzekutivit shqiptar, u përcolli një apel diplomatëve të huaj në Tiranë, që të bënin çmos në hapjen e negociatave me Shqipërinë.
Dua t’ju përsëris edhe publikisht thirrjen të gjithëve ju që e njihni Shqipërinë nga brenda, që i njihni shqiptarët nga afër, që çdo fjalë e duhur në drejtimin e duhur për ta mbështetur këtë proces dhe për ta mundësuar çeljen e negociatave në 6 mujorin e parë të vitit të ardhshëm nuk është dicka që e meritoj unë, qeveria, opozita dhe prandaj duhet ta bëni, por është dicka që e meritojnë shqiptarët”, theksoi Rama. /tesheshi.com/
