Pas takimit dje me presidentin Erdogan në rezidencën e këtij të fundit në Stamboll, në një bisedë mes tyre që zgjati 90 minuta, siç u informua nga vetë shefi i qeverisë shqiptare, Rama pati sot një takim dhe me homologun Binali Yildirim.
Siç njoftohet nga mediat turke, dy kryeministrat kanë bërë një shëtitje në oborrin e rezidencës qeveritare në Dolmabahçe, ku më pas kanë biseduar kokë më kokë për 30 minuta mes tyre.
Nga ana tjetër, Rama ka postuar atë që e quan “foto dite”, sa i përket kësaj të hëne, ku ka pozuar duke qeshur me presidentin Erdogan, stafin e tij dhe presidentin Vuçiç, gjithashtu.
Por jo vetëm kaq. Siç mund të shihet me vëmendje, ata janë dorë për dore, në një pamje shumë vëllazërore, si një mesazh politik ndaj Vuçiçit.
Ata i ka bërë bashkë Kongresi i 22-të i Naftës, që po mbahet në Stamboll. /tesheshi.com/
