Një tubim elektoral i kryeministrit Rama në Shkodër u shoqërua me incidente, pasi pati karakterin e një mitingu me anti-miting, datuar por pa përlasje civile, që nga zhvillimet e vitit 1991.
Kryebashkiakja demokrate e Shkodrës Voltana Ademi, në krye të një mase militantësh, pos që tentuan të bllokojnë pedonalen e qytetit ku Rama do prezantonte kandidatin Valdin Pjetri, por dhe u përplasën me policinë, gjë që detyroi këtë të fundit të përdorë ujin me presion dhe gazin lotsjellës.
“Sot, Edi Rama ka hyrë sot në Shkodër si pushtues, jo si kryeministër, as si përfaqësues i alternative demokratike! Partia Demokratike dënon me ashpërsinë më të madhe sjelljen kriminale të banditeve të veshur me uniformen e shtetit”, u tha nga PD.
Nga ana e saj, kryebashkiakja Ademi tha se nuk mund të lejonte një kryeministër kriminel që të shkelte në Shkodër.
“Nuk mund të lejojmë që një bandë kriminale të uzurpojë qytetin. Shkodra ka demonstrua të gjithë jetën e vetë që nuk mund të lejojë uzurpatorin dhe kriminelin e Edi Rama dhe të tjerë përpara tij. E drejta jonë për të protestuar dhe për të thirrur ‘Rama ik’, është e drejta jonë legjitime”, u shpreh ajo.
Ndërsa shefi i qeverisë arriti ta organizonte tubimin e tij nën masa të forta sigurie, ku e cilësoi znj. Ademi si kryebashkiaken më të paaftë, e premtoi gjithashtu se Shkodra e drejtuar nga PS do transformohej porsi Vlora. /tesheshi.com/
