Kryeministri Edi Rama do të asistojë në shqyrtimin e projektit për rindërtimin e stadiumit “Loro Boriçi”. Nëpërmjet një postimi në rrjetin social Facebook, Rama bëri të ditur se do të vizitojë qytetin verior të vendit.
“Sot në Shkodër shqyrtojmë projektin e arkitektit të famshëm, Peter Wilson, për rindërtimin e stadiumit Loro Boriçi, që nis nga puna së shpejti!”, shkruan Rama.
Më parë, Kryeministri u është përgjigjur qytetarëve në rrjetin social Facebook pas kërkesës së tyre për të rregualluar stadiumin “Loro Boriçi” në Shkodrës, duke iu premtuar se punimet do të nisin së shpejti, siç edhe konfirmon sot kryeministri.
Sipas projektit, stadiumi do të mbajë 17 mijë tifozë dhe do të kushtojë rreth 15 milionë euro.
