Kryeministri Rama është shfaqur i irrituar sot gjatë një bashkëbisedimi me banorët e Shishtavecit, zonën prej nga vjen dhe rivali i tij parlamentar, Flamur Noka. Ai ka folur me ton nervoz ndaj faktit, që siç tha, ata që sot flasin më tepër ishin për vite në qeverisje dhe nuk bën asgjë.
Rama e ka shpeshtuar në ligjërimin e tij kujtesën ndaj së djeshmes. Duke qenë i ndërgjegjshëm që është në një zonë elektorale ku votohet e djathta, Rama u kujtoi banorëve çështjen e pronës, duke qenë thënë se e bënë lesheli në 25 vjet.
“Janë mbi 8 mijë të vdekur e të plagosur vetëm nga pronat”, tha Rama.
“Prej vitit 1991, me aq para sa janë shpënzuar për ujësjellësa, do shtroheshin tubat e ujit për gjithë Shqipërinë, Kosovën, e Tetovën madje”, tha Rama.
Më tej, ai theksoi se gjatë qeverisjeve të mëparshme, më shumë është bërë dëm sesa dobi. “Nuk themi se nuk është bërë punë, por përllogaritjet dalin se është bërë më tepër dëm”, tha shefi i qeverisë shqiptare.
Ai u kujtoi gjithashtu fshatarëve të Shishtavecit, se ekskavatori i fundit që ka blerë shteti për kanalet kulluese është i përket vitit 2005.
“Nuk do kishim mbërritur këtu ku jemi, nëse këto reforma që kemi ndërmarrë nuk do ishin bërë para 25 vjetësh”, theksoi kryeministri. /tesheshi.com/
