Rama në SHBA, josh me “Open Balkan”

Gjatë një vizite në SHBA këto ditë, kryeministri Edi Rama bën me dije një takim me përfaqësues të organizatës “Automation Alley”, një shoqatë biznesi jofitimprurëse e prodhimit dhe teknologjisë në Michigan.

Sipas të parit të qeverisë, ata do të vijnë në Shqipëri vitin e ardhshëm, e ku do të kenë mundësi për të parë e për të kuptuar nga afër se çfarë ndodh me Ballkanin e Hapur, i cili sjell një treg me të lirë dhe më të hapur.

“Sot u mikprita nga një grup përfaqësuesish të kësaj bote të mirënjohur të industrive automotive amerikane, folëm për oportunitet që ofron Shqipëria dhe gjetëm interes për të dëgjuar më shumë dhe ramë dakord një mision të tyre për të parë nga afër dhe për të kuptuar më mirë se çfarë ndodhë me Ballkanin e Hapur,  për një treg më të mirë dhe më të hapur dhe për një pozicion më të favorshëm për investimet e huaja”, tha Rama.

Të njëjtin synim shprehu dhe Drejtuesi i Partneriteteve strategjike të organizatës, Noel Nevshehir.

“E kam vizituar Shqipërinë. Shqiptarët janë të mrekullueshëm. Jemi me fat që kemi një komunitet prej 120 mijë shqiptarësh, shumë prej të cilëve janë miq dhe bashkëpunëtorë, disa prej të cilëve i takuam më herët sot.

Ne e vlerësojmë miqësinë tonë me përfitime midis dy vendeve, ne do të punojmë për organizimin e një misioni tregtar në Shqipëri dhe presim me padurim të vijmë për të përfituar nga miqësia dhe ngrohtësia që ka vendi për të ofruar”, tha përfaqësuesi i “Automation Alley”.

Rama ndodhet në SHBA, me ftesë të ish-sekretares amerikane të Shtetit, Hillary Clinton ku pritet që të marrë një çmimin “Voices of Solidarity Award” për strehimin e afganëve në Shqipëri. /tesheshi.com/

https://youtu.be/lcQJqQtPtkY