Kryeministri Rama inspektoi disa kantiere në Rrugën e Kombit, ku sërish gjeti rastin për të evidentuar faktin se vepra e bujshme qeverisë paraardhëse të PD-së nuk ishte përfunduar.
“U propagandua që u bënë gjëra që nuk u bënë. Mbetën borxhet. U lanë borxhet. Mbetën kilometra pa u bërë”, tha Rama.
Ai vlerësoi vendosjen e pagesës së rrugës, si mënyrën e vetme për ta përfunduar e mirëmbajtur brenda parametrave të sigurisë.
“Finalizimi i kësaj vepre është shumë i rëndësishëm, se këtu ishte e gjithë ajo gryka e shishes që krijoheshin aksidente, që krijoheshin situata emergjence dhe ajo që është më e rëndësishmja është që, paralelisht me përfundimin e investimeve për Rrugën e Kombit, ne të kemi tani të gjithë sistemin e sigurisë të krijuar nga pagesa e rrugës”, theksoi Rama. /tesheshi.com/
