Një pjesë e kabinetit Rama pritet të rikompozohet në fillim të javës së ardhshme, duke ndodhur kështu një pjesë e asaj që kërkon opozita, kur prej afro tre javësh këmbëngul për qeveri teknike, si kusht bazë për dalen nga çadra.
Saimir Tahiri, ministër i Rendit, është njeriu që e starton këtë proces, duke qenë njëherësh simboli i akuzave të opozitës prej katër vitesh.
Pas tij, vjen Ilir Beqja i Shëndetësisë, po ashtu “nishan” akuzash nga opozita si u dyti në radhë pas Tahirit.
I treti përflitet Ditimir Bushati i diplomacisë.
Të gjithë këto lëvizje bëhen në kuadër të një ripozicionimi fushatë, pasi të larguarit do rikthehen në zonat e tyre elektorale si drejtues kryesorë të fushatës së pritshme për zgjedhjet e 18 qershorit.
Por brenda këtij arsyetimi partiak nuk mund të thuhet se nuk është dhe një “shkelje syri” ndaj opozitës, që dhe ajo të nisë e lëshojë pe, aq më tepër kur është fjala për shkarkimin e Saimir Tahirit, halës në syrin e opozitës.
Këto lëvizje pritet të rikthejnë në kabinet pas kaq vitesh Arta Daden, e cila do të zëvëndësojë Bushatin në krye të diplomacisë shqiptare.
Siç dihet, Dade është prej atyre politikaneve me status senatoreje në PS, e cila njërën këmbë e ka tek Rama e tjetrën tek Meta. Ndërsa Beqja pritet të zëvëndësohet nga një rioshe, Klodiana Spahiu, deputete e Durrësit.
Ndërsa dikasterin e Tahirit, aty ku derdhen të gjitha akuzat e opozitës, pritet ta marrë Niko Peleshi, njeriun që gjithsesi opozita e ka kursyer nga akuzat. /tesheshi.com/
