Në fjalimin e tij në Asamblenë e Përgjithshme të OKB-së, kryeministri Rama promovoi Ballkanin e Hapur, si një mënyrë për të bashkëpunuar edhe në kushtet e mosqënit dakort, në një moment global plot armiqësi dhe era luftë.
“Në rajonin e Ballkanit Perëndimor bashkëpunojmë me një sipërmarrje të përbashkët me interesat tona specifike, kjo na bëri bashkë me Maqedoninë e Veriut dhe Serbinë për të krijuar një platformë të hapur edhe për vendet e tjera të Ballkanit por edhe më tej.
Mesazhi i Ballkanit të Hapur është që nuk është e nevojshme të biesh dakord për gjithçka për të lënë pas të shkuarën e errët e për të parë drejt së ardhmes.
Duke forcuar marrëdhëniet me Serbinë për të nxitur bashkëpunimin dypalësh, Shqipëria nuk do të lëvizë në njohjen e Kosovës. Është Koha që Serbia dhe Kosova të punojnë për një marrëveshje të mbështetur nga BE-ja dhe SHBA-ja. Dialogu është mënyra e vetme dhe jam i bindur se Ballkani i Hapur do e ndihmojë këtë proces”, tha Rama.
Njëherësh, ai ngacmoi Serbinë duke përmendur Srebrenicën e dënuar dhe njëherë raportin e Dick Marty-t, gjë e cila ka ëuar në Hagë krerët e UËK-së.
“Sa përmendet fjala Ballkan, në mendjen e gjithkujt vijnë imazhet e luftërave të përgjakshme. Asnjë nga ati nuk do të harrohet, llogaridhënia do të vazhdojë, por kjo kërkon angazhim. Drejtësia qëndron në themelet e çdo përpjekjeje.
Nuk mundem të mos ndaj këtu me ju një shembull të tmerrshëm që duhet të jetë mësim. Në 2011, Asambleja miratoi një raport nga Dick Marty ku akuzohej Ushtria e Kosovës për trafikim të organeve njerëzore. Raporti ishte tronditës dhe u shndërrua në faktorit kyç të ushqimit të idesë dhe ngritjes së Dhomave të Specializuara. Çdo përpjekje hetimore u bë gjatë këtyre viteve për të hetuar këto akuza në nivel rajonal e ndërkombëtarisht e asnjë tregues nuk u gjet në Kosovë e askund tjetër që kishte të bënte me këto akuza. Ndërkohë që flasim është i dënuar presidenti Hashim Thaci.
Përpiquni ta imagjinoi: presidenti juaj, që merret nga zyra çohet në një vend të tretë që mbahet i ndaluar për një vit të tërë pa asnjë akuzë zyrtare, as edhe një fjalë e vetme e aktakuzës nuk ka të bëjë me raportin e Këshillit të Europës, për krimin e pretenduar të trafikimit, një fantazi e tërë, dështim monumental në nivel ndërkombëtar, njollosje e një vendi.
Ne mendojmë që Asambleja do të pranojë kërkesën e Shqipërisë për të pasur një raport vijues, ndërkohë që dëmi është bërë dhe të ndihmojë të rivendosë besueshmërinë e një organizatë kaq të rëndësishme”, tha Rama. /tesheshi.com/
