Kryeministri Rama shkoi në Vlorë për promovimin e nisjes së vaksinimit dhe aty, ku sërish i mëshoi prioritetit të personaliteteve nga mosha e tretë.
“Këtë të dielë do të fillojmë me disa personalitete, brenda marsit do të kemi 40 mijë doza të Pfizer”, tha Rama.
Më tej ai komentoi dhe deklarimet akuzatore të Metës në lidhje me situatën COVID, si dhe prezencën e tij në një takim të mbyllur me pjesëmarrës pa maska, organizuar në Vranisht.
“Presidenti ka kohë që nuk është më president, ai është thjesht një shpërdorues i funksionit të presidentit në favor të ndërmarrjes që administrohet nga e shoqja.
E mirëkuptoj se vjen në Vlorë natën, e shkon lart e poshtë natën, shfaqet makina pa protokollin përkatës, takon njerëz se nuk besojnë te LSI dhe i duket Shqipëria bosh”, tha Rama. /tesheshi.com/
