Kryeministri Rama komentoi raportet e tij me presidentin Erdogan, i pyetur në nëj dalje për median, në kuadër të nisjes së vaksinimit, nëse ka diçka për t’i dhënë liderit turk në lidhje dhuratat e këtij të fundit ndaj Shqipërisë.
“Marrëdhënia ime me presidentin (Erdogan) nuk është marrëdhënie ‘më jep, të jap”.
Shpeshherë me teoritë e konspiracionit këtu është thënë e ç;nuk është thënë, por marrëdhëniet e mia me presidentin Erdogan dhe me të gjithë ata që janë në krye të vendeve të tyre dhe më të cilët unë kam marrëdhënie, është një marrëdhënie reciproke, respekti, dhe në raste të caktuara edhe miqësie.
Në marrëdhënie me homologët e mij apo me partnerët tanë, unë jam i barabartë. Dhe kërkoj nga secili dhe kam marrë këtë, barazinë.
Pse presidenti Erdogan e bën këtë, është shumë e qartë: është pjesë e një partneriteti dhe e një miqësie tradicionale mes dy vendeve dhe natyrisht dhe e marrëdhënies që kemi unë dhe ai”, tha Rama.
Sa i përket nisjes së vaksinimit, ai pos që tha se do ishte ndër të parët që do e bënte, mbajt sekret faktin se nga ç’vend u siguruan 500 mijë vaksinat Pfizer.
“Kemi arritur në kushte jo pak të lehta të garantojmë 500 mijë dosjet e para të Pfizer por edhe të sigurojmë fillimin e vaksinimit para afatit falë marrëdhënieve bilaterale që sikundër e kam thënë janë kyçe në këtë proces të çuditshëm.
Faktikisht, strategjia dhe drejtimi i përcaktuar nga Bashkimi Evropian për t’u investuar në skemën e COVAX ka rezultuar që të jetë ende sot që flasim një drejtim i papërcaktuar në kohë. Pra, pavarësisht angazhimti me COVAX të Shqipërisë dhe vendeve jashtë BE, nëse do të qëndronim në pritje do të ishim ende në pritje dhe nuk dihet ende sot sa do të zgjaste kjo pritje.
Jemi angazhuar intensivisht me kanale të tjera. Ia kemi dalë të kontaktojmë Pfizer-in drejtpërdrejtë në Nju Jork. Njëkohësisht kemi hapur katër kanale të tjera bilaterale në katër vende. Dhe vaksinimi sot është si rezultat i njërës prej vendeve të BE që nuk jam i autorizuar t’ia them emrin. Nuk është Greqia“, tha Rama. /tesheshi.com/
