![Një ushtar izraelit qëndron me kompleksin e Xhamisë Al-Aksa në sfond [Dosje: Maya Alleruzzo/AP Photo]](https://tesheshi.com/wp-content/uploads/2024/12/Kolonet-izraelite-shkelin-status-quo-ne-ne-kompleksin-e-xhamise-Al-Aksa-360x180.webp)
Kryeministri Edi Rama ka bërë një përballje shifrash në Kuvend me qeverinë e Sali Berishën për të ardhurat e mbledhura në buxhetin e shtetit.
Sipas tij, vetëm vitin e shkuar “u mbodhën aq lekë sa s’keni mbedhur ju për pesë vitet më të mira të qeverive tuaja”, duke vendosur në listë si padashje edhe qeverisjen PD-LSI.
“Në vitin 2014 të ardhurat u rritën me 395 mln dollarë dhe janë më shumë sesa çfarë keni mbledhur ju si të ardhura të rritura në pesë vjet rresht dhe jo në pesë vjet të vëna së bashku sipas qejfit, por në pesë vitet më të mira tuajat. Së dyti, ka një tjetër shifër që mbështet këtë që thashë. Të ardhura e buxhetit arritën 26.3 përqind të Prodhimit të Brendshëm Kombëtar, ndërkohë që ju e latë me një shifër qesharake, 24.1 përqind të PBK. Ende duhet ta rrisim për t’u vënë në të njëjtën vijë me rajonin”, tha Rama.
Kryeministri ka përmendur edhe borxhet që qeveria i ka pasur biznesit por që kanë nisur të shlyhen që në vitin 2014.
“Vjet ekonomia u rrit me 2.1 përqind, krahasuar me rritjen pothuajse 1 përqind që e latë ju. Më e rëndësishmja akoma është që në 2014, ne shlyem 340 mln dollarë borxhe tuajat. Borxhe të fshehura e të marra me dhunë nga kompanitë e kontraktuara për punime apo shërbime publike dhe faktikisht filluam procesin e normalizimit të marrëdhënieve mes shtetit dhe qytetarit”, theksoi Rama.
/tesheshi.com/
