Kryeministri Edi Rama e mbylli tubimin në Milano me emigrantët shqiptarë që jetojnë e punojnë në Itali, duke i ftuar ata që të kthehen në Shqipëri.
“Kemi shumë punë për të bërë, por pikërisht sepse është e tillë ka edhe shumë mundësi për këdo që kthehet me dijet, eksperiencën, kursimet e veta.
Duke pasur guximin do fitojë për veten e familjen më shumë se ata që ngurrojnë, sepse shpirti u’a do por presin që ta gjejnë gati.
Ai që do të kthehet më shpejt do këtë më shumë paqe për shpirtin e ndarë në dysh. Koha e mirë e Shqipërisë ka ardhur”, tha Rama.
Ai përmendi faktin se tashmë janë italianët ata që po kthejnë sytë nga Shqipëria.
“Sot në Shqipëri jetojnë 20 mijë italianë dhe numri rritet çdo javë. Afro një mijë të rinj e të reja studiojnë në Shqipëri, tre mijë biznese janë italianë, shumë italianë vijnë në fundjavë.
Sa shumë është shtrenjtuar jeta juaj këtu në Itali, ndërkohë kam një ftesë për t;ju bërë, të gjithë shqiptarëve që punojnë në hoteleri turizëm, informohuni vetë, jo nga ekranet, jo nga kanalet e mbushura me vrer politikë, informohuni sa janë pagat, sa merr dikush që punon në hoteleri dhe bëni llogarinë Kush vjen i armatosur me dijen, është i fituar”, u shpreh kreu i ekzekutivit në mbyllje të fjalës së tij. /tesheshi.com/
