Kryeministri Edi Rama duke folur në Parlament, akuzoi opozitën se po rropatet të pengojë sërish procesin e vettingut edhe pasi Komisioni i Venecias të japë qëndrimin e saj.
“Po rropaten që sidoqë të jetë puna edhe pasi Komisioni i Venecias sërish ta rrëzojnë. Jam gati ta quajmë kusht por kusht i përbashkët”.
Ndërkaq duke folur në lidhje me deklaratat e tij për Donald Tump, Rama deklaroi se e ka pasur mbi deklaratat e tij për Kosovën.
“Nuk është hera e parë që mblidhet një tufë prej atyre karrangjollë të pagdhendur pse flas si kryeministër i Shqipërisë në arenën Ndërkombëtare. Unë flas për Kosovën në Serbi, karrangjollët më hidhen në fyt. Flas për ligjin e luftës me Greqinë, çfarë nuk thonë”, tha kryeministri.
Por ish-kryeministri Sali Berisha e quajti Ramën “kufomë e pakallur” dhe “njeriun me kokë në tepsi”. Sipas tij, hapja pa kusht e negociatave ishte zotimi i opozites.
“Unë e kuptova hallin e tij se e ka kokën në tepsi nga ky raport i cili në çdo rresht, kapitull i thotë se me ty nuk ka negociata se negociatat do i hapë opozita”, tha Berisha. /tesheshi.com/
