Pas marrëveshjes me kreun demokrat Basha, kryeministri Rama po përpiqet të vijojë me të njëjtin ligjërim denoncues ndaj opozitës, por vetëm në terma programorë.
“Pavarësisht se hyri në zgjedhje, PD mbetet një kërcënim i madh për shkak të mungesës së vizionit dhe aftësisë për të bërë pushtet”, tha Rama gjatë një takimi në Korçë me fermerë vendas.
Nga ana tjetër, Rama është përpjekur që të përligj marrëveshjen me Bashën, por duke ruajtur distancat që dikton pozicioni politik “Ajo që PD ka treguar deri në 48 orë përpara është se nuk dinë të bëjnë shtet por vetëm të çmontojnë shtetin. Ajo që kemi për të humbur nëse kthehemi mbrapa është katastrofë. Kemi 1 mijë gjëra që as nuk mund të bëhemi bashkë, ama në fund të ditës jemi përfaqësues të këtij populli dhe nuk na ka borxh populli. Vettingu u bë, do votohet dhe do ta votojnë të gjithë”, tha Rama. /tesheshi.com/
