Kryeministri Rama ka akuzuar opozitën se sipas tij, ajo e çoi Vettingun në Kushtetuese me qëllim vonimin e hapjes së negociatave me BE-në. Këtë, shefi i qeverisë së Tiranës e tha gjatë ritit të tij të “Komunikimit të Javës” në Facebook, edhe pse ndodhet përtej oqeanit prej tre ditësh për një vizitë private.
“Kush mund ta imagjinojë për shembull se negociatat do të çelen normalisht nëse kur ekipet do të jenë gati për t’u ulur në tavolinë, nuk do të ketë nisur zbatimi i ligjit të Vottingut. Askush me dy fije mend në kokë, nuk e imagjinon dot. E dinë këtë edhe dritëshkurtrit që e kanë bllokuar përkohësisht Vettingun me një kërkesë të turpshme për ta shpallur antikushtetues dhe me sa duket me një qëllim për të vonuar negociatat, për të vonuar drejtësinë”, tha Rama”.
“Kjo opozitë po na turpëron”, konkludoi kryeministri. /tesheshi.com/
