Fjalimin e tij javor kryeministri Rama ia kushtuar Vetingut dhe opozitës, që sipas tij është ngujuar në çadër për të mos e votuar atë.
“PD nuk mund të fshihet më në çadrën e luftës për pushtet, duke braktisur detyrën e saj kushtetuese, politike e qytetare të përfaqësimit të mbështetësve të saj, të cilët mund të mos e duan qeverinë, por Shqipërinë e integrimin e saj në BE, e duan njëlloj sa zgjedhësit e mbështetësit e kësaj qeveri”, theksoi kreu i ekzekutivit shqiptar.
Ai i bëri dhe njëherë thirrje opozitës që t’i bashkohet mazhorancës në detyrimin kushtetues për votimin e Vetingut, duke e konsideruar atë si domosdoshmëri të pastrimit të Drejtësisë nga të koruptuarit.
“Politika shqiptare duhet t’i hapë rrugë ndëshkimit të gjykatësve e prokurorëve të korruptuar përmes zbatimit të ligjit të Vettingut. Çdo viktime e re në sallat e prokurorëve e gjyqtarëve nuk është vetëm viktimë e sistemit të drejtësisë, por edhe e politikanëve që i bëhen mburojë të shkuarës e pengojnë të ardhmen me mosveprimin e tyre në funksion të Vetingut”, tha Rama. /tesheshi.com/
