Fjalimin e tij javor, kryeministri rama ia ka kushtuar sërish çadrës së opozitës në bulevard, që në fakt është dhe ngjarja kryesore e këtyre javëve, pasi ka provokuar dhe po provokon një krizë në poltikën shqiptare, e gjeneruar kjo dhe nga raportet e acaruara mes vetë aleatëve në mazhorancë.
Dhe Rama ka tentuar ta rendis opozitën tek kundërshtaret e BE-së, pikërisht për shkak të Reformës në Drejtësi, duke vënë në shënjestër çadrën e saj të protestës:
“Sot po merr jetë një qasje e re ndaj Bashkimit Evropian. Është një qasje që merr formë përditë si pasojë e frikës së jashtëzakonshme ndaj reformës në drejtësi pa të cilën BE-ja është e pamundur të pranojë.
Frika nga drejtësia po jep jetë qasje destruktive të PD-së. Frika nga drejtësia e ka kthyer ditën e 18 qershorit, një ditë që politikanët e korruptuar në çadër nuk e duan kurrë. Janë gati të bashkohen me kundërshtarët e BE-së, sepse e duan Shqipërinë një çiflig pa ndëshkueshmërie”, ka thënë Rama, ku siç vërehet, ka tentuar penalizimin e PD-së në pozicionimin e saj politik, sipas kryeministrit anti-Perëndim. /tesheshi.com/
