Kryeministri Edi Rama dhe drejtoresha e Tatimeve Brisida Shehaj kanë konsumuar së bashku kafen e mëngjesit, përpara se të nisnin punën në ditën e dytë të aksionit kundër informalitetit, ku duket se kryeministri merr pjesë personalisht.
Duket se aksioni ka mobilizuar kreun e Qeverisë që e ka marrë më shumë zemër këtë fushatë, të cilën e konsideroi një ditë më parë patriotike. Tensioni i punës ndjehet edhe në kafene, ndërsa Rama është fotografuar me Shehajn dhe një person tjetër përpara nisjes së aktiviteteve.
Një ditë më parë, Rama ka kërkuar pikërisht në zonën e Bllokut lëshimin e kuponit tatimor edhe për një kafe. “Merrni kuponin tatimor sepse shqiptarët, nga konsumimi i 1 milion kafeve, humbin 61 milionë dollarë”, tha Rama. /tesheshi.com/
