Dule folur në një konferencë shkencore mbi figurën e Musine Kokalarit, në kuadër të 100-vjetorit të lindjes së saj, kryeministri Edi Rama e ka cilësuar atë si rilindësen e fundit e brezit të artë të Rilindjes Shqiptare. Duke folur mbi personalitetin dhe fatin e saj, Rama shpalli se procesi i hapjes së dosjeve do të nisë, edhe simbolikisht, me zbardhjen e dosjes së Musinesë
“Puna e Autoritetit Kombëtar të Hapjes së Dosjeve të regjimit komunist do të fillojë pikërisht me dosjen e Musine Kokalarit. Në mënyrë simbolike, por jo vetëm, publikimi hapja dhe dekodifikimi i plotë i dosjes së Musine Kokalarit shënon dhe pragun jo vetm të pakthyeshëm të emancipimit të shoqërisë sonë në raport me këtë të shkuar”, tha shefi i ekzekutivit shqiptar.
“Me historinë e Musinesë fillon një kapitull i ri në raport me historinë, historitë e shumë e shumë të tjerëve të cilat për fat të keq janë përdorur dhe keqpërdorur si ushqim për të helmuar turma, për të nxitur mllef dhe urrjejte mes njerëzish në këtë vend por jo për të ndriçuar të ardhmen që e kaluara të mos përsëritet më, dhe jo thjesht të mos përsëritet më si fakt i të shkuarës por si sjellje dhe qasje ndaj të ardhmes dhe ndaj njëri-tjetrit”, theksoi më tej Rama.
Musine Kokalari ishte ndër femrat më me emër të persekutuar nën regjimin komunist. Ajo vdiq e vetmuar në kushte internimi në Rreshën, e përcjellë drejt varrit vetëm nga varrmihësit. /tesheshi.com/
