Në një reagim të tij ndaj një mesazhi të presidentit Meta paraditen e kësaj të shtunë, ku kreu i shtetit kaloi dhe në shpotitje ndaj Ramës e Cakajt, shefi i qeverisë ka reaguar edhe ai. Me një status ku gjysma është ironi e gjysma seriozitet, Rama i “vesh” Metës çizmen e bashkëshortes, e nga ana tjetër kujton se do jetë Gjykata Kushtetuese ajo që do e zgjidhë këtë ngërç.
“Mos prisni të merrem më me një pengmarrës të Kushtetutës në zyrën e Presidentit, i cili është katandisur në çizme rezervë e Doktorreshës së Shkencave Gjykata e re Kushtetuese do t’i japë fund kësaj maskarade, ndërsa vëmendja jonë do jetë e gjitha tek njerëzit e zero tek çizmet”, shkruan Rama. /tesheshi.com/
