Kryeminstri Rama dha të kuptuar se akti i ç’dekretimit të zgjedhjeve nga ana e presidentit Meta është bërë me ndërgjegje të plotë.
“….Është pjesë e planit, nuk është lajthitje. Kur ne bëmë marrëveshje me Lul Bashën ne ishim duke shkruajtur aktin e marrëveshjes, dhe zyra e Bujar Nishanit merrte në telefon dhe thoshte sillni letrën e konsensusit për të shtyrë zgjedhjet me një javë. Kemi firmosur bashkërisht dhe e kemi çuar në Presidencë. Erdhi puna dhe të duket Bujar Nishani burrë shteti. Tek dekretet si i Fatmir Xhafës bëri gjithë atë fjalim kundër por e firmosi. Nga pikëpamja institucionale ai nuk ka lëvizi…Shqetësimi i tyre është tjetër që po ecën gjërat normalisht, po nuk pati konflikt hapen negociatat dhe fillon kapitulli 23-24”, tha Rama, duke sqaruar se këto kapituj kanë të bëjnë me drejtësinë.
Deklarimet e tij u bënë gjatë një bashkëbisedimi me banorë të Tiranës në kuadër të fushatës elektorale.
Ndërsa duke i kthyer Bashës, Rama tha se vetëm marrëveshja e 2017-ës e shfaqi si lider.
“… e vetmja gjë si lider ishte ajo marrëveshje. Tani thotë vodhëm zgjedhjet. Ne mundëm Saliun dhe me pushtetin e Saliut ishte shumë keq, kurse Lulit ia paskemi marrë?”, theksoi kryeministri.
Ai komentoi gjithashtu dhe padinë që pritet të ngrihet ndaj Bashës për pranë ruse në një lobim në Amerikë, duke thënë: “imagjononi sikur ta kishim bërë ne….”. /tesheshi.com/
