Nga Vlora, teksa vizitoi një prej shkollave të njohura të qytetit, Rama tha se vendimi për vijimin e mësimit nën krizën COVID, fizikisht e me masa, ishte mjaft i vështirë.
“Kjo është një sfidë shumë e madhe që kemi ne, por ju keni në radhë të parë sepse jeni çdo ditë. Na është dashur që ta marrim këtë vendim shumë vështirë për rifillimin e shkollave. Faktikisht porsa kemi ndjekur të gjitha shtetet po e marrin.
Është vendim shumë i vështirë sepse edhe pse thuhet dhe faktet thonë se fëmijët janë më pak të rrezikuar, e para nuk është e vërtetë për të gjithë fëmijët.
E dyta fëmijët vetë mund të jenë më pak të rrezikuar, por janë transportues. E marrin e sjellin në shtëpi. Padiskutim siç ka ndodhur në vendet e tjera dhe siç presin të gjitha vendet që të ndodhë, do të ketë prapë rritje të numrave. Por nga ana tjetër kostoja psikologjike e mos hapjes së shkollave dhe mbajtjes së fëmijëve nëpër shtëpia përsëri është shumë e madhe dhe pasojat që mund të lërë kjo ndarje shumë e gjatë me shkollën, janë realisht shumë të mëdha. Midis të dyjave ne si shumë të tjerë kemi bërë këtë zgjedhje, por në këtë zgjedhje rolin e posaçëm e keni ju për të qenë sa më strikt.
Çështja është të jetë strikt dhe të jesh i duruar sepse nuk bëhet kjo me britma, me rreshtore, me imponim, por duhet edhe me shpjegim“, tha i pari i qeverisë.
Më herët, ministrja Shahini publikoi videon se si do ishte procesi mësimor.
“Gjatë qëndrimit dhe mësimit në #klasë, pa diskutim nxënësit dhe mësuesit do t’iu nënshtrohen rregullave strikte që kanë në fokus ruajtjen e shëndetit të gjithësecilit. Video që vijon, na e sqaron shkurtimisht”, shkroi gruaja në krye të arsimit shqiptar. /tesheshi.com/
https://www.facebook.com/shahinibesa/videos/2665573153699781/?t=2
