Më në kohën kur e Franca po tenton të tërheqë BE-në kundër Turqisë, e fqinji Greqi është nën ankth nga inisiativat turke në Mesdheun lindor, kryeministri Rama ka udhëtuar drejt Stambollit për t’u takuar me presidentin Erdogan.
Që andej, shefi i qeverisë shqiptare ka përcjellë aspektin joprotokollar të raportit të ri me liderin turk, i shndërruar vitet e fundit në një ndër figurat qëndrore të politikës globale.
“Me Presidentin e Turqisë, mikun e çmuar Rexhep Taip Erdogan, në një nga bisedat gjatë qëndrimit në rezidencën e tij verore në Marmaris, ku folëm gjerësisht për marrëdhëniet mes Shqipërisë e Turqisë, sfidën e kohës për fuqizimin e ekonomisë në kushtet e përballjes me Covid-19, ecurinë e bashkëpunimit dypalësh, si edhe situatën në rajonin e Ballkanit Perëndimor“, shkruan Rama. /tesheshi.com/
