Kryeministri Rama rrëfeu në Jeruzalem, para një audience hebreje, detaje nga raportet e tij me gjyshen katolike, duke thënë se ishte një fëmijë i vështirë. Madje si i tillë, tha ai, mundi të bëhej kryeministër.
Për të parin e qeverisjes së Shqipërisë, gjyshja që e rriti ishte më e mençur se të gjithë shkencëtarët në Shqipëri.
Gjyshja ime ishte katolike. Ajo nuk shkoi kurrë në universitete, por më besoni se kishte një mençuri të pakrahasueshme me të gjithë shkencëtarët që unë njoh në Shqipëri. Ajo më thoshte kur prindërit e mi ishin të pakënaqur me mua…meqë ra fjala isha një fëmijë i vështirë.
Nuk mund të bëhesh kryeministër i Shqipërisë nëse nuk je fëmijë i vështirë. Unë mërzitesha me ta dha ajo më thoshte:
“Mos u shqetëso. Rri i qetë. Kështu janë prindërit. Je djalë dhe djemtë bëhen burra dhe burrat nga natyra nuk janë krijesa të përsosura dhe perfekte. Kështu do të bësh gabime gjithë jetës, sepse je burrë. Por ka një gjë që nuk duhet ta harrosh: një burrë mund të përballojë të bëjë gabime, por nuk mund të përballojë të jetë i mërzitshëm.”
Kështu që shpresoj të mos isha i mërzitshëm. Jam i lumtur t’ju them nëse doni një vend të bukur për të mbajtur konferencën e radhës, ejani në Shqipëri vitin e ardhshëm. Ju premtoj që nuk do të pendoheni. Mund të mos mësoni më shumë seç dini, por s’do të mërziteni”, ishin fjalët e Ramës që shkakuan duatrokitje në sallë.
Ndërkohë, ngjan si krahasimi i gjyshes me shkencëtarët dhe potencimi i faktit se nuk ishte me universitet, ishte një “goditje ne brez” për pedagogët protesues, ku në krye është një matematicien me CV të pasur akademike – Aleksandër Kovaçi, gjithsesi, jo emër me peshë publike. /tesheshi.com/
