Gëzimit të qeverisë së Tiranës pas rekomandimin nga ana e Parlamentit Europian për hapjen e nagociatave, ia ka lënë vendin hidhërimi, që ka si shkak një “shuplakë berlineze”.
Deputeti i Bundestagut, Gunther Krichbaum, në emër të koalicionit CDU-CSU, gjatë një konference për shtyp në Tiranë, ka prezantuar kriteret për hapjen e negociatave, duke theksuar se pa plotësimin e tyre nuk ka hapje negociatash. Madje sipas tij, kjo nuk ka gjasë të ndodhë në 2017-ën, por ndoshta një vit më pas.
Dhe ato janë:
Reforma në administratën publike
Reforma në drejtësi
Lufta ndaj korrupsionit
Lufta kundër krimit të organizuar
Të drejtat e njeriut
Rekomandimet e OSBE/ODIHR-it për reformën zgjedhore
Ligji për Dekriminalizimin e Parlamentit
Për të gjitha këto, zyrtari i lartë gjerman dha detajime konkrete si dhe në ç’mënyrë duhet të ndodhin që të jetë reale, të prekshme, të matshme dhe padyshim bindëse. Ky zhvillim rrëzon deri diku pretendimet e qeverisë për reforma të suksesshme, aq më tepër kur vijnë nga një politika e një vendi që duket se e ka mbështetur fort Ramën. /tesheshi.com/
