Gjykata Kushtetuese ka vendosur pezullimin e ratifikimit në Kuvend të marrëveshjes Rama-Meloni për emigrantët afrikanë, kontigjente që do akomodohen në qendra pritjeje në Lezhë në pritje të azilit.
Kushtetuesja njoftoi se ka marrë në shqyrtim padinë e bërë nga deputetët e opozitës kundër marrëveshjes në fjalë me Italinë.
Ky vendim vjen në një kohë kur maxhoranca socialiste kishte parashikuar për ta miratuar marrëveshjen në seancën e kësaj të enjteje.
Gjyqtarët kushtetues kanë caktuar datën 18 janar 2024 për të shqyrtuar ankimin e 30 deputetëve opozitare, pa prani palësh por vetëm mbi bazë dokumentesh. /tesheshi.com/
