Gjatë konferencës për shtyp me kreun e NATO-s, Jens Stoltenberg, kryeministri Rama i lidhi protestat e opozitës cenimin e imazhit të Shqipërisë, duke gjykuar se destabiliteti shkon dhe përkundër interesave të Aleancës në Shqipëri.
Duke iu referuar bazës së Kucovës, Rama kaloi prej aty e në Tiranë kur tha:
“Vendimi për të investuar në bazën e Kuçovës dhe programi i investimit për ta kthyer atë në një pjesë integrale të infrastrukturës së NATO-s nuk vihet në diskutim dhe për më tepër në Shqipëri nuk do të ndodh, nuk do ta lejojmë, asnjë formë destabilizimi që do të cenonte imazhin e vendit, me organizimin e shfaqjeve të dhunshme në një perimetër të vogël”, tha shefi i qeverisë.
“Dua ta siguroj se të gjitha angazhimeve tona në raport me Aleancën do u qëndrojmë një për një deri në fund, dhe nga ana tjetër se edhe në këtë proces artificialisht të organizuar, Shqipëria si një vend i NATO-s nuk do të cenojë as imazhin e vet dhe as qetësinë e aleancës”, shtoi Rama. /tesheshi.com/
