Kryemistri Rama përcolli atë që e quajti “lajm të mirë”, por pa lidhje me krizën koronare. Sipas tij, një marrëveshje e nënshkruar së fundi, e çon në integrim sistemin energjitik të Kosovës me atë të Shqipërisë.
“LAJM I MIRË
U miratua më në fund marrëveshja e lidhjes të Operatorit të Transmetimit të Kosovës KOSTT me Operatorët e Transmetimit të Europës Kontinentale. Kjo marrëveshje hyn në fuqi në datën 14 Maj 2020!
Ky është një hap i shumëpritur, pasi i hap rrugën së shpejti marrëveshjeve të nënshkruara ndërmjet KOSTT dhe OST për rritjen e sigurisë së sistemit elektroenergjetik të dy shteteve shqiptare, duke mundësuar vënien në punë të linjës 400kV Shqipëri-Kosovë dhe zhvillimin e tregut të përbashkët të energjisë elektrike”, shkruan shefi i qeverisë shqiptare. /tesheshi.com/
