Ithtar i punës me gra, kryemnistri Rama tha se ato janë më pak të korruptuara. Dhe sipas tij, ka tregues se korrupsioni është zbrapsur pikërisht nga kjo arsye.
“Kemi 50% të këshillave bashkiak që janë gra dhe vajza, 60% e administratës publike janë gra dhe vajza dhe kjo do të thotë që minimalisht kemi 60% e administratës janë më pak të korruptueshëm pasi gratë dhe vajzat korruptohen më pak se burrat”, tha Rama në një takim me gratë që janë këshilltare në Këshillat Bashkiak.
Ai theksoi standartin e vënë se nëse kryetari i një bashkie është burrë, zv.kryetari duhet të jetë patjetër grua. Për këtë, tha u kam dërguar mesazh krerëve të bashkive që kush nuk e ka zbatuar, të mendohet mirë. /tesheshi.com/
