Kryeministri Rama u vendos përballë biznesit të vogël duke dëgjuar ankesën mbi vendosjen e TVSH-së. Pas ankesave të cilat janë shoqëruar dhe me protesta këto ditë, Rama u dha këtë arsyetim:
“Ajo çka unë kam nxjerrë si përfundim nga këto takime është se problemi i juaji nuk është TVSH, por problemi juaj është tavani 8 mln. Duke kapërcyer tavanin 8 mln, ju ktheheni në subjekt që pastaj është i detyruar të paguajë një taksë nga 5% në 15%. Kjo bën që shumë prej jush të gënjejnë. E thonë vetë. Gënjejnë me bilancet dhe për të mbajtur kokën nën tavan, ndërkohë xhiron e kanë më të lartë se 8 mln, jetojnë në stresin e vazhdueshëm të hartimit të bilanceve të rreme”, deklaroi kryeministri.
Rama mbrojti fort qëndrimin e tij, deri në pikën sa nuk u shfaq u shqetësuar nga reagimet me protesta.
“Ju vazhdojeni protestën, por është e dështuar sepse e vërteta është që shumica dërrmuese e bizneseve të vogla e dinë për çfarë flitet. Kështu që nuk i ha njeri këto uljet e qepenave dhe goditjet nga larg me çizmet. Të mbyllësh qepena në tregjet bashkiake që nuk janë në skemën e TVSH, nuk ka lidhje fare. Protesta le të vazhdojë, është puna juaj jo e jona”, theksoi ai.
Ndërsa sa i përket pretendimin për rritje taksash, Rama tha se taksat janë rritur nga bashkitë e jo nga qeveria. /tesheshi.com/
