Kryeministri Rama i ka bërë një mbrojtje të fortë Albin Kurtit nga sulmet më te fundit karshi tij prej paraardhësit Ramush Haradinaj, me shkak pezullimin e pjesshëm të taksës.
Me paturpësi Ramushi ka nisur baltosjen e Albin Kurtit! Albini mund të jetë gjithçka po kurrë nuk është shërbëtor i Serbisë!”, shkruan Rama, duke vijuar ta këshillojë që të mos doorëzohet nga presionet e etiketimet.
“Uroj të mos tutet prej sulmeve të ulëta për heqjen e taksës që shkatërroi reputacionin ndërkombëtar të Kosovës dhe viktimizoi Serbinë në sytë e botës!”, arsyeton Rama.
Për shefin e qeverisë shqiptare, teza e Haradinajt me taksën është një idiotësi.
“Kurrë nuk është dëgjuar një idiotësi më e madhe se sa predikimi që taksa do sjellë njohjen e Kosovës nga Serbia dhe asgjë s’i ka bërë më shumë dëm Kosovës, se sa ajo taksë e kthyer nga një thirrje për vëmendje ndaj shkeljeve të CEFTA-s nga Serbia, në një litar në fytin e Kosovës!”, gjykon shefi i qeverisë shqiptare.
“Albin Kurti është në rrugën e duhur! Heqja e taksës do jetë dita e parë e tij si kryeministër në zyrë, jo më si lider opozite në zyrën e kryeministrit! Do t’i duhet të përballet me etiketën e ‘tradhtarit’ po ani, ajo etiketë i dallon udhëheqësit e paqes nga statujat e luftës“, shkruan Rama.
Kujojmë që Rama ka hapur proces gjyqësor ndaj Haradinajt, për ta detyruar që të provojë akuzën e të qënit të tij pro ndryshimit të kufijve. /tesheshi.com/
