Kryeministri Rama publikoi një tregues grafik të ecurisë së të infektuarve në Shqipëri, krahasuar me vende të tjera në rajon, duke veçuar faktin se masat drastike kanë dhënë një rezultat të dukshëm.
“Kurba e rritjes së presionit të armikut e matur për çdo vend pas 20 rasteve të para, ku mund të shihni rezultatin e masave shtrënguese dhe rezistencës fantastike të 99% të shqiptarëve deri tani.
Tani si do vazhdojmë, me ngjitje të butë të shigjetës së kuqe, që të shpëtojmë shqipërinë nga katastrofa duke bërë rezistencë për ekzistencë, apo do lëshohemi në krahët e frikës irracionale se “do vdesim për bukë”, që pastaj kjo shigjeta e kuqe të iki lart si raketë dhe ne të biem në këmbët e armikut duke numëruar qindra e mijëra të vdekur(?)!”, shkruan Rama. /tesheshi.com/
