Kryeministri Edi Rama e ka nisur ditën sot me një takim të kryesisë së grupit parlamentar dhe ministrave, për të vijuar më pas me takimin e përjavshëm me grupin parlamentar.
Takimi ka nisur rreth orës 08:15 me kryesinë e grupit dhe ministrat, më pas ka vijuar në orën 09:00 me të gjithë deputetët e PS-së. Në dallim nga java e ardhshme, takimet po zhvillohen me dyer të mbylluara, pavarësisht se kryeministri kishte premtuar transparencë në mbledhje të tilla.
Burime shprehen se në mbledhjet po diskutohet mbi axhendën parlamentare, ecurinë e reformës në drejtësi dhe nisjen e asaj zgjedhore.
Pritet që Kuvendi në seancën e së enjtes të debatojë mbi reformën në drejtësi, bazuar në kërkesën e PD-së, e cila u shty me një javë në seancën e fundit, pasi LSI kërkoi më shumë kohë. /tesheshi.com/
